Sulm me raketa në Turqi/ Shpërthimi në oborrin e shkollës lë të paktën tre të vdekur, gjashtë të tjerë ndodhen në spital

by admin
Spread the love

Një sulm me raketa ka ndodhur këtë të hënë në Turqi, ku të paktën tre persona kanë mbetur të vrarë.

Sipas mediave vendase sulmi terrorist i ndodhur në lagjen Karkamış të Gaziantep është shkaktuar nga Partia e Punëtore e Kurdistanit/ Njësitë e Mbrojtjes së Popullit në rajonin Ayn El Arab të Sirisë.

Lidhur me sulmin, ministri i Brendshëm Süleyman Soylu tregoi për gjendjen e situatës dhe viktimat.

“Tre qytetarë tanë humbën jetën. Njëri prej tyre është një fëmijë dhe një mësues. Zoti na mëshiroftë. Kemi njerëz të lënduar dhe ata po vazhdojnë trajtimin e tyre në spitalet”, tha ai.

Deri më tani raportohet për pesë predha raketash që godiotën vendbanimet. Si pasojë e shpërthimeve humbën jetën tre qytetarë (nxënës dhe mësues) dhe u plagosën gjashtë, ndërsa dy prej tyre janë në gjendje të rëndë.

Njëra nga raketat ka rënë në oborrin e shkollës, ndërsa katër të tjera në toka të pabanuara.

 


Top Channel

Lexo lajme interesante

You may also like