“Nuk po mendoj se çfarë do të ndodhë vitin e ardhshëm”. Kështu Erik Ten Hag ka heshtur zërat që po flasin kohët e fundit se tekniku holandez do të marrë për sezonin tjetër drejtimin e Manchester United.
Gjatë konferecës për shtyp ku prezantoi ndeshjen e ardhshme të Ajax, Ten Hag u ndal për të komentuar edhe zërat e merkatos. Ai tha se nuk ka asnjë interes aktualisht për Manchester United pasi është i fokusuar vetëm për të mbyllur këtë sezon me Ajax dhe të luftojë për objektivat që klubi ka.
“Jam i fokusuar vetëm te ky sezon, dua të jap maksimumin dhe të vendos gjithë energjinë time në muajt e mbetur. Kemi ende dy objektiva të rëndësishëm që duhet t’i arrijmë. Nuk po mendoj se çfarë do të ndodhë vitin e ardhshëm”, u shpreh Ten Hag gjatë konferencës. /oversport.tv
Foto: AFC Ajax, Facebook