KOPENHAGË, 9 janar /ATSH-DPA/- SHBA-ja dhe Suedia kanë nisur negociatat për thellimin e bashkëpunimit të tyre në mbrojtje, duke përfshirë një marrëveshje për të rregulluar kushtet ligjore për praninë e forcave amerikane, sipas Ministrisë suedeze të Mbrojtjes, në Stokholm.
“Duke krijuar kushtet për një prani amerikane në Suedi, në formën e ushtrimeve stërvitore, ndër të tjera, do të forcohet siguria jonë”, tha ministria.
SHBA-ja ka nënshkruar marrëveshje për bashkëpunimin në mbrojtje me disa aleatë të tjerë.
“Marrëveshja hap rrugën për një bashkëpunim më të ngushtë si në planin dypalësh me Uashingtonin ashtu edhe brenda NATO-s”, tha ministria.
SHBA-ja është partneri më i rëndësishëm i sigurisë i NATO-s. Në maj 2016 u nënshkrua një memorandum mirëkuptimi për bashkëpunimin në mbrojtje.
Në vazhdën e pushtimit rus të Ukrainës, Suedia aplikoi për anëtarësim në NATO në maj të vitit të kaluar, së bashku me Finlandën.//a.i/