“OBRM-PDUKM nuk ka njohuri për informacione jozyrtare se në Paris do të arrihet marrëveshje ndërmjet Maqedonisë së Veriut dhe Bullgarisë”.
Këtë e deklaroi zëdhënësi i partisë opozitare Naum Stoillkovski, duke shtuar se ata vazhdimisht theksojnë se kryeministri Zoran Zaev, është i gatshëm të jep gjithçka vetëm për të qëndruar në politikë sa më gjatë.
“Unë nuk kam njohuri të tillë. Ajo që ne vazhdimisht po theksojmë në këtë periudhë të fundit është se Zoran Zaev është i gatshëm të japë gjithçka për të zgjatur pjesërisht jetën e tij politike. Ne e pamë situatën që ai krijoi për të mund të rrisë “shumicën parlamentare” dhe “koalicioni i plastelinës” të zgjasë jetëgjatësinë për një kohë të shkurtër, kështu që duhet të jetë si fotografi që Zoran Zaev është i gatshëm ta bëjë për t’ia zgjatur jetëgjatësinë”, tha Stoilkovski.
Ai shtoi se OBRM-PDUKM ka paralajmëruar që të mos ndërmerren hapa në kundërshtim me rezolutën e miratuar unanimisht nga të gjithë aktorët politikë në Kuvend, e cila, siç theksoi, nënkupton mbrojtje të interesave kombëtare maqedonase.
I pyetur për hetimin për aksidentin e autobusit në Bullgari dhe pse nuk po merren masa lidhur me hetimin e Policisë Financiare dhe Drejtorisë Doganore, Stoilkovski tha se arsyet e aksidentit dhe zjarrit në Spitalin Modular të Tetovës janë krimi dhe korrupsioni të udhëhequr nga LSDM-BDI.