Kompania njoftoi të martën se Spotify arriti 195 milionë abonentë me pagesë, me rritje prej 7 milionë krahasuar me tremujorin e kaluar, duke kapërcyer parashikimin prej 1 milion përdorues shtesë neto. Spotify parashikon të tejkalojë shirën 200 milionë përdorues brenda fundit të vitit.
Pavarësisht këtyre lajmeve pozitive mbi abonentët, Wall Street nuk ishte entuziaste për rezultatet. Aksionet ranë me më shumë se 6 për qind në tregtimin pas mbylljes së ditës.
Fakti që muzika po bëhet gjithnjë e më e kushtueshme, shpjegon nxitjen e Spotify drejt podcasting, libraria e të cilit është në rritje. Aktualisht numërohen 4.7 milionë podcast-e në platformë krahasuar me 4.4 milionë në tremujorin e mëparshëm. Edhe pse podcasting nuk është ende fitimprurës për Spotify, kompania deklaroi se regjistroi rritje dyshifrore të të ardhurave nga podcast.
Por gjërat janë pak të ndërlikuara me podcast-et e brendshme. Në një telefonatë me investitorët, CFO i Spotify, Paul Vogel, iu referua një “tarife ristrukturimi” një herë në aktivitetin e podcasting, që duket se lidhen me shkurtimet nga puna te Gimlet dhe Parcast në fillim të muajit.
Këto ndryshime – sipas Vogel – “do të përmirësojnë produktivitetin e studiove të zgjedhura”.
Por është edhe çështja e çmimeve. Kur iu kërkua rritja e çmimeve të Apple Music, CEO i kompanisë, Daniel Ek deklaroi se Spotify do të punonte me etiketat për të ndjekur shembullin.
Ai nuk ishte i qartë për këtë, por vendimi i Apple me siguri duket se ka hapur mundësinë për rritje të çmimeve në të gjithë gamën. Ek e shmangu pyetjen se kur do të mbërrinte HiFi, i cili do të ishte i disponueshëm vetëm në një nivel me çmim më të lartë.
/ The Verge