Deri ku janë hetimet për raportimet e rreme për bomba në shkollat anembanë Maqedonisë?
Në këtë pyetje në emisionin “10 minuta” në TV21 është përgjigjur ministri i Punëve të Brendshme, Oliver Spasovski.
Ai u shpreh se kjo është pjesë e asaj lufte hibride që po ndodh.
“Mendoj se pikërisht tani është zgjedhur koha kur kemi një situatë në të cilën kemi një rrezik të lartë për organizimin e një eventi. Në territorin e Shkupit sot kishim tetë shkolla të mesme dhe një shkollë fillore. Të gjitha kontrollet janë kryer, raportet janë të rreme”, tha Spasovski.