MADRID, 11 prill /ATSH-DPA/ – Valë e re protestash në sektorin e shëndetit publik në Spanjë, një vend ku grevat dhe demonstratat janë lidhur muajt e fundit në rajone të ndryshme.
Mjekët nga Galicia janë ndalur sot, përveç atyre nga enklavat e Ceutës dhe Melillës, ndërsa nesër pritet nisja e grevës në Andaluzi. Ndërkohë, po protestojnë edhe laborantë nga disa spitale publike në Madrid.
Të mërkurën e 19 prillit pritet një grevë e mjekëve të spitalit në kryeqytet.
Ashtu siç ka ndodhur veçanërisht që nga vjeshta e kaluar, kërkesat kryesore të profesionistëve shëndetësorë kanë të bëjnë me përmirësimin e kushteve të pagave dhe organizimit, si dhe kërkesat për një rritje të burimeve të alokuara për shërbimet e pacientëve.
Në veçanti, disa demonstrata në mbështetje të kërkesave u organizuan edhe në Madrid me pjesëmarrjen e dhjetëra në disa raste qindra- mijëra njerëzve. /os/