Pasi përfundoi fazën përgatitore në Turqi, Napoli kthehet të luajë në stadiumin “Maradona”. Kundërshtari i radhës është Villarreali, në një sfidë miqësore që do të startojë në orën 20:30. Trajneri Luciano Spalletti ka folur në prag të kësaj sfide:
“Lojtarët janë stërvitur mirë. Më duken në gjendje të mirë për të luajtur ndeshje të një niveli të lartë që na shërbejnë për tu përgatitur akoma më mirë për fillimin e kampionatit. Jam i bindur që do të bëjmë një paraqitje të mirë për të gjithë tifozët tanë që na qëndrojnë gjithmonë pranë.
Kemi filluar të mendojmë që tani për sfidën e madhe që do të luajmë kundër Interit kur të rifillojë kampionati dhe këto ndeshja na shërbejnë për të qenë të fortë në mendje dhe në sjellje. Kjo e sotmja për ne do të jetë një ndeshje e vërtetë”, ka thënë trajneri i Napolit. / Oversport.tv