SOFJE, 27 shtator /ATSH-DPA/ Bullgaria, përmes ministrisë së Jashtme në Sofje, këshilloi qytetarët e saj në Rusi të largoheshin dhe rekomandoi të mos udhëtojnë brenda vendit, duke e lidhur atë me “situatën e ndërlikuar”.
“Shtetasit bullgarë duhet të konsiderojnë largimin e shpejtë nga vendi duke përdorur transportin e disponueshëm”, theksoi ministria në një deklaratë.
Bullgarët që kanë mbetur në Rusi këshillohen të jenë më vigjilentë dhe të shmangin vendet me grumbullime të mëdha njerëzish.
Bullgaria, një vend i BE-së dhe NATO-s, ka dënuar luftën e Rusisë kundër Ukrainës.
Sofja zyrtare deklaroi gjithashtu se “nuk do të njohë referendumet e aneksimit të kritikuara gjerësisht në zonat e kontrolluara nga Rusia të Ukrainës’’. /os/
