Rrufa dhe kolla janë
sëmundje ngjitëse që shfaqen me të tështitura, djegie të fytit, kollë, zënie
dhe kullim hundësh si dhe temperaturë të lartë që shkon deri në 39-40 gradë.
Shpesh shkaktohen edhe
ndërlikime të rënda. Një nga sëmundjet ngjitëse më të përhapura është gripi.
Shenjat e tyre janë:
dhimbje koke, dhimbje të kyçeve dhe lodhje të rëndë, kollë dhe teshtitje të herë
pas hershme gjatë ditës. Sëmundja mjekohet me pije dhe çajra të ngrohtë bimorë,
aspirina e paracetamola si ilaçe ndihmuese paraprake.
Në 1 litër ujë të
sapovaluar hidhni 10 lugë çaji me rigon. E mbulojmë me kapak dhe e lëmë 20-30
min, duke e tundur herë pas here. E kullojmë, e ëmbëlsojmë sipas dëshirës dhe e
pimë 3 herë nga 1 filxhan çaji të ngrohtë.
Merrni një grusht me lule
shtogu të zi dhe një grusht lule bliri dhe i ziejmë së bashku në 1 litër ujë
duke i shteruar sa më shumë. Në lëngun e tyre që mbetet fusni 1 filxhan raki të
fortë rrushi dhe 2 lugë mjaltë dhe i përziejmë. Nga ky ilaç u jepet të sëmurëve
nga 1 lugë gjelle për çdo mëngjes esëll duke vazhduar dhe kur gripi ka humbur
fuqinë e tij, apo kur të sëmurët kishin kollë lodhëse.
Kur gripi rëndohet
përgatisim një lloj ponçi të fortë me piper. Merrni 10 gr raki të fortë rrushi
dhe 1 lugë kafeje me piper. I ziejmë së bashku dhe kështu të nxehtë ia jepni të
sëmurit para se të flerë. Njëkohësisht të sëmurin e fërkoni me vaj ulliri dhe
raki.
Për të qetësuar kollën, më
parë përdorej një metodë tepër efikase. Merrni 2 lugë me gjethe dafine, cipat e
sipërme të një qepe, 2 gjethe mandarine. Hidhen në një sasi 3 filxhanë uji dhe zihen
për 2-3 min. ena lihet e mbuluar 10-15 min. kullohet dhe pihet gjatë ditës.
Merrni 800 gr mjaltë,
përzihet me 200 ml raki dhe 800 gr gjalpë derisa të formohet një masë e
njëtrajtshme. Hahet 2 lugë gjelle esëll për 30 ditë rresht.
Merrni dhe hidhni 30-60 gr
lëkurë të thatë shelgu në 1 litër verë dhe i mbani së bashku 12 orë. Pastaj
pini nga 1 filxhan kafeje para buke, kurse gjethet i zieni deri në valim 40-80
gr në 1 litër ujë. Merrni për të pirë 3 gota çaj në ditë. Kjo metodë shërben
për të ulur temperaturën, gripin e astmën, reumatizmën, tensionin e ulur etj.
Edhe limoni ka vlera
kurative të çmueshme. Në gjendjen virusale siç është gripi, rrufa, kolla etj,
limoni ul temperaturën, ul tensionin e lartë, shton vitaminën C, shton oreksin
dhe rrit imunitetin. Pra shtrydhni 1 kokërr limoni në 1 gotë me ujë të gazuar
dhe pijeni gjatë ditës kur jeni i sëmurë.
Shpesh për të qetësuar
kollë, janë përdorur lule ose gjethe manushaqe. Merrni 1 lugë gjelle lule, që
zihet bashkë me 1 gotë ujë për 5-10 min, pastaj kullojeni dhe pijeni 3 herë nga
1 gotë para buke, të ngrohtë dhe të ëmbëlsuar sipas dëshirës.