Ende nuk dihet motivi: Ditën e Krishtlindjeve, një grua dyshohet se ka vrarë një burrë në banesën e saj. Para kësaj ishte shkaktuar një zënkë
Zyra e prokurorit publik e Koblenzit po heton një grua 25-vjeçare, e cila thuhet se më 26 dhjetor ka vrarë një burrë pas një mosmarrëveshjeje. E dyshuara, e cila vjen nga Shqipëria, mësohet se fillimisht është grindur me viktimën e saj 37-vjeçare, siç bëri të ditur prokuroria të enjten. Më pas e vrau në banesën e saj në Koblenz, informon portali Shtegu.
Për momentin nuk dihen shkaqet e mosmarrëveshjes dhe motivi i gruas, e akuzuara hesht për aktin. Ajo u arrestua përkohësisht të mërkurën dhe gjykata e rrethit lëshoi një urdhërarresti për rrezik arratisjeje. Gruaja është në paraburgim dhe hetimet po vazhdojnë.
