​Shpërthim në bazën ajrore ushtarake ruse në Krime. A ishte goditje e sistemit HIMARS?

by admin
Spread the love

Një shpërthim municioni shkaktoi zjarr sot në një bazë ajrore ushtarake në Krime të aneksuar nga Rusia, por nuk pati viktima apo dëmtime në avionët luftarakë të stacionuar, njoftoi Ministria ruse e Mbrojtjes.

Kjo ministri theksoi se baza Saki nuk është bombarduar.

Në rrjetet sociale ukrainase, u shkrua se raketat ukrainase (HIMARS) me rreze të gjatë veprimi mund të ishin lëshuar në drejtim të bazës ajrore, megjithatë, autoritetet ukrainase nuk kanë komentuar ende.

Kreu i Krimesë së aneksuar nga Rusia, Sergei Aksyonov, tha se ambulancat dhe helikopterët mjekësorë janë transferuar në bazën ajrore Saki, por nuk tha nëse ka viktima.

Ai shtoi se autoritetet kanë mbyllur një zonë brenda një rrezeje prej pesë kilometrash nga baza.

Rusia aneksoi Krimenë në vitin 2014 dhe zyrtarët në Moskë kanë paralajmëruar Ukrainën se çdo sulm në gadishull do të shkaktonte një përgjigje të ashpër dhe sulme ndaj “qendrave vendimmarrëse” në Kiev.

Baza Saki lejoi avionët luftarakë rusë të stacionuar atje të sulmonin zonat në Ukrainën jugore me një njoftim të shkurtër.

Rruga Press

Lexo lajme interesante

You may also like