Që nga fillimi i mujait nëntor, Philip Morris ka marketingun e ri “IQOS ILUMA”, i pajisur me sistem induksioni. Një test fillestar nga “Blaue Kreuz Bern-Solothurn-Freiburg” ka konstatuar se të gjitha llojet e shkopinjve të duhanit “TEREA” që janë blerë, janë të pajisura me slote ajri. Ky fakt është befasues pasi cigaret e duhanit me ventilim me filtër, mund të nxisin një lloj të caktuar të kancerit të mushkërive. Për më tepër, duhanpirësit kanë përshtypjen se cigaret me ventilim janë më pak të dëmshme, edhe pse nuk është kështu.
Në nëntor 2021, “Blaue Kreuz Bern-Solothurn-Freiburg” bleu si “IQOS ILUMA” edhe gjashtë varietete të ndryshme të shkopinjve të duhanit “TEREA” në Kantonin e Bernës. Nga një pako u vlerësua një shkop duhani “TEREA”. U zbulua se slotet e ajrit mund të gjenden në të gjashtë llojet e «TEREA».
Cigaret e duhanit të ajrosura janë të rrezikshme
Që në vitin 2017, një studim ka dëshmuar se vrimat e ajrit në cigare përfaqësojnë një rrezik në rritje të kancerit të mushkërive (Adenokarcinom). Një studim i publikuar së fundmi tregoi gjithashtu se duhanpirësit i perceptojnë cigaret me ventilim si më pak të dëmshme sesa cigaret pa ventilim. Megjithatë, rritja e ajrosjes së filtrave të cigareve, nuk mund të shoqërohet me një reduktim të biomarkerëve të matur në gjak dhe urinë. Në mënyrë që duhanpirësit të marrin përmbajtjen e dëshiruar të nikotinës, cigaret me ventilim tërhiqen më fort dhe/ose pihen më shpesh. “Duhet të shtrohet pyetja pse ka hapësira ajri në shkopinjtë e duhanit në gjeneratën e re të IQOS, pasi duhanpirësit duan të kalojnë në një produkt gjoja më të shëndetshëm”, thotë Markus Wildermuth nga “Blaue Kreuz Bern-Solothurn-Freiburg”.
