Kryetari aktual i Shkupit, Petre Shilegov, e ka pranuar humbjen në zgjedhjet lokale të vitit 2021.
Ai e uroi për fitoren kundërkandidaten e tij, Danella Arsovskën, e cila është mbështetur nga VMRO-DPMNE-ja.
“E uroj Arsovskën për fitoren. Falënderoj të gjithë qytetarët për mbështetjen dhe të gjithë ata që votuan për mua. Në qeverisjen e kaluar kemi lënë gjurmë të pashlyeshme në Shkup”.
“Do të jemi edhe më tej në Shkup për ta modernizuar qytetin dhe për të mos na u përsëritur ajo e kaluara. Mendoj se arritëm që Shkupin ta vendosim në rrugën e duhur”, tha mes tjerash Shilegov.
