UASHINGTON, 22 shtator /ATSH-DPA/- Qeveria amerikane po vendos sanksione ndaj zyrtarëve të lartë të sigurisë në Iran pas vdekjes së një gruaje në paraburgim.
“Shtetet e Bashkuara të Amerikës dënojnë vdekjen tragjike dhe brutale të Mahsa Amini, një gruaje 22-vjeçare iraniane, e cila vdiq në paraburgimin e Policisë së Moralit, pasi u arrestua se nuk kishte respektuar rregullat e veshjes së hixhabit”, thuhet në një deklaratë të Departamentit Amerikan të Thesarit.
Në përgjigje të kësaj dhe shkeljeve të tjera të të drejtave të njeriut në Iran, duke përfshirë shtypjen e dhunshme të protestave paqësore, Shtetet e Bashkuara të Amerikës kanë planifikuar vendosjen e sanksioneve ndaj Policisë së Moralit të Iranit dhe zyrtarëve të lartë të sigurisë që janë përfshirë në abuzime serioze të të drejtave të njeriut.
Deklarata vuri në dukje se Policia e Moralit, një element i Forcave të Zbatimit të Ligjit të Iranit, arreston gratë për veshjen e papërshtatshme të hixhabit dhe zbaton kufizime të tjera ndaj lirisë së shprehjes. //a.i/