SHBA: Të hapen sa më parë negociatat për Shqipërinë dhe Maqedoninë e Veriut

by admin
Spread the love

UASHINGTON, 25 qershor /ATSH-MIA/- Qeveria e Shteteve të Bashkuara ka komunikuar qëndrimin e saj në lidhje me pasigurinë për fillimin e negociatave të anëtarësimit në BE me Maqedoninë e Veriut pas samitit të dështuar BE-Ballkani Perëndimor, në Bruksel.

“Ne e konsiderojmë besueshmërinë e perspektivës së zgjerimit të BE-së si një rëndësi jetike për stabilitetin dhe prosperitetin e Ballkanit Perëndimor”, tha një zëdhënës i Departamentit të Shtetit.

Ai theksoi se SHBA-ja duhet të vazhdojë të mbështesë fillimin e negociatave të anëtarësimit në BE me Maqedoninë e Veriut dhe Shqipërinë sa më shpejt të jete e mundur.

Gjatë Samitit BE-Ballkani Perëndimor, kryeministri i Maqedonisë së Veriut, Dimitar Kovaçevski hodhi poshtë të ashtuquajturin propozim francez, në të cilin draftversioni për hapjen e negociatave, çështjet bilaterale mes dy vendeve Maqedonisë së Veriut dhe Bullgarisë vendosen si kusht për procesin negociues për anëtarësimin e vendit në Union.//a.i/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Artikulli paraprakKrifca në Berlin: Të bashkëpunojmë për qëndrueshmëri të politikave ushqimore

You may also like