SHBA – Fillojnë zgjedhjet e mesmandatit mes shpenzimeve rekord elektorale dhe votimit me postë

by admin
Spread the love

UASHINGTON, 8 nëntor /ATSH-ANSA/ – U hapën sot qendrat e votimit në SHBA për zgjedhjet afatmesme, me të cilat e gjithë Dhoma e Përfaqësuesve (435 deputetë) dhe një e treta e Senatit (35 senatorë nga 100) rinovohen çdo katër vjet.

Mbi 41 milionë amerikanë kanë përdorur tashmë votimin e hershëm postar, një rekord i të gjitha kohërave.

Kjo metodë e votimit tradicionalisht favorizon demokratët dhe është një arsye për protestë nga republikanët.

Një tjetër rekord i këtij raundi votimi ishte fondi prej 17 miliardë dollarësh, i shpenzuar në fushatën elektorale.

Zgjedhjet afatmesme zakonisht penalizojnë partinë që merr Shtëpinë e Bardhë, që nga viti 1934 vetëm dy presidentë, Roosevelt dhe Bush (në 2002), kanë arritur të fitojnë.

Sondazhet parashikojnë se republikanët do të rifitojnë Shtëpinë e Bardhë, aktualisht demokratët kanë 222 vende (4 më shumë se kuorumi) kundrejt 212 të republikanëve.

Fati i Senatit (tani 50 me 50, por vota e zëvendëspresidentes, Kamala Harris thyen barazinë në favor të deputetëve) varet nga disa sfida ballë për ballë në shtetet e fushës së betejës, Pensilvania, Xhorxhia, Arizona dhe Nevada, por edhe ato në Uiskonsin, Nju Hempshajër dhe Karolinën e Veriut duken të pasigurta.

Rezultatet e para priten pas orës 18:00, por rezultatet e përgjithshme përfundimtare mund të zgjasin disa ditë, veçanërisht në disa shtete.

Joe Biden, me popullaritetin më të ulët (pak mbi 40%), në një fjalim në hapjen e fushatës elektorale, deklaroi se demokracia dhe të drejtat e njeriut janë në rrezik (duke filluar me atë të abortit), ndërsa përmendi sukseset e agjendës së tij në frontin e mirëqenies, mjedisit dhe arsimit.

Nëse humbet qoftë edhe një dhomë, ai lëkund fort pozitat politike.

Republikanët, nga ana tjetër, kanë shprehur shqetësimet për rritjen e inflacionit, recesionit dhe alarmeve të krimit, ndërsa Donald Trump përgatitet për të kandiduar për herë të tretë në Shtëpinë e Bardhë./ /a.i/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like