Senatori amerikan Chris Murphy, në një konferencë të mbajtur pas takimit me kryeministrin e Kosovës Albin Kurti, ka folur rreth zbatimit të marrëveshjes Kosovë-Serbi.
Murphy tha se këtë vit duhet të përfundojë çështja e Asociacionit të Komunave me shumicë serbe.
“Që të mundësohet drejt normalizmit e cila do të çojë deri tek njohja e ndërsjellë. Më vjen mirë që dëgjuam për planet tuaja për zbatimin e marrëveshjes”, tha ai.
Senatori amerikan theksoi se SHBA-të janë të gatshme ta ndihmojnë Kosovën drejt zbatimit të plotë të marrëveshjes me Serbinë.
Chris Murphy shtoi se Kosova ka një numër të madh të popullsisë në Shtetet e Bashkuara dhe se ka mundësi që të forcohet partneriteti mes dyja vendeve./Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
