Shakira është duke luftuar emocionalisht pasi ndarja e saj nga Gerard Pique vazhdon të qetësohet. Pavarësisht se së fundmi ka gjetur një marrëveshje me Pique se ku do të jetojnë fëmijët e tyre, ajo nuk duket se po ndihet mirë në këto momente.
Ka qenë programi ‘Salvame’ ai që zbuloi një sërë imazhesh të artistes në një gjendje komplekse emocionale. Në fakt, informacioni bazohet në pamjet e siguruara nga një dëshmitar i cili ishte i pranishëm në të njëjtin vend me Shakirën.
“Ajo ishte me dy shoqe dhe ishte në gjendje të keqe”, ka shpjeguar burimi. “Ajo ishte me tuta, e vërteta është se ajo ishte… kishte një fytyrë të mërzitur dhe, që në momentin që mbërriti, fliste në telefon në anglisht.
“Ajo duhet të ketë kaluar një orë e gjysmë duke folur në telefon. Sapo e mbylli, filloi të qante. Ne nuk donim t’i afroheshim sepse po debatonte me miqtë e saj. Mamaja ime është një fanse e madhe, i thashë ‘Epo është e pamundur t’i afrohesh për të kërkuar një foto’”.
Së fundmi u ra dakord nga çifti dhe avokatët e tyre që fëmijët të transferohen në Miami me Shakira-n në vend që të qëndrojnë në Barcelonë me Pique-n.
