Samiti i OKB-së për klimën/ Zelensky: Botës i duhet paqe për një politikë efektive klimatike

by admin
Spread the love

Volodymyr Zelensky theksoi këtë të martë se komuniteti ndërkombëtar ka nevojë për paqe për të pasur veprime të përbashkëta dhe efektive për t’iu përgjigjur krizës klimatike.

Në një video-mesazh në samitin e OKB-së për klimën COP27 në Egjipt, presidenti ukrainas deklaroi se duhet të sigurohen se vuajtjet nuk duhet të shtohen që të kenë kohë për të iu përgjigjur problemeve klimaterike.

“Ne duhet të ndalojmë ata që, me luftën e tyre të çmendur dhe të paligjshme, po shkatërrojnë aftësinë e botës për të punuar të bashkuar për një qëllim të përbashkët. Nuk mund të ketë një politikë efektive klimatike pa paqe në tokë, sepse në fakt kombet po mendojnë vetëm se si të mbrohen këtu dhe tani nga kërcënimet e krijuara veçanërisht nga agresioni rus.

Ai vuri në dukje rrezikun e mundshëm të një aksidenti bërthamor në termocentralin bërthamor të pushtuar nga Rusia në Zaporizhzhia në Ukrainë, ku granatimet vazhdojnë në zonë. Termocentrali ka humbur energjinë e jashtme të energjisë elektrike disa herë që nga fillimi i luftës, duke e detyruar atë të kalojë përkohësisht në gjeneratorë me naftë.

Kush do të kujdeset, për shembull, për sasinë e gazeve serrë në atmosferë nëse një pjesë e Evropës ose Lindjes së Mesme dhe ndoshta Afrika Veriore, Zoti na ruajt, mbulohen nga një re rrezatimi pas një aksidenti në Zaporizhzhia? 

Ne duhet të sigurohemi që vuajtjet të mos shumohen sepse bota nuk ka kohë për t’iu përgjigjur sfidave klimatike. Por për ta bërë këtë ne kemi nevojë për veprime të përbashkëta [dhe] efektive dhe për këtë ne kemi nevojë për paqe”, tha Zelensky.


Top Channel

You may also like