Salernitana kërkon të përforcojë sulmin me Joao Pedro dhe është shumë pranë arritjes së marrëveshjes me Cagliarin. Por gjithsesi drejtuesit e klubit nga Salerno po mbajnë gjallë edhe alternativat e tjera, në rast se kjo tratativë dështon.
Sipas asaj që shkruan “Il Mattino”, i pari në listën e dëshirave pas Joao Pedro është shqiptari Rej Manaj, që u rikthye te Barcelona pas huazimit te Spezia. Sulmuesi kuqezi përfiton rreth 600 mijë euro në sezon dhe kjo e bën edhe më të thjeshtë operacionin.
Alternativa të tjera për sulmin e Salernitanës janë edhe Thomas Henry i Venezias dhe Kevin Lasagna i Veronës. / Oversport.tv
