Liderja e djathtë italiane, Giorgia Meloni, e cila fitoi zgjedhjet javën e kaluar, ka reaguar në lidhje me vendimin e Rusisë për aneksimin e katër rajoneve ukrainase.
Ajo tha këtë të premte se presidenti rus tregoi sërish bindjen e tij në stilin sovjetik, duke kërcënuar sigurinë e Evropës.
“Putini e ka demostruar edhe një herë vizionin e tij neo-imperialist, të stilit sovjetik, i cili kërcënon sigurinë e të gjithë kontinentit evropian”, tha Meloni.
Këshilli Evropian, i cili mbledh liderët e BE-së, shpjegoi se është kundër këtij vendimi, i cili nuk do të ketë ndikim ligjor.
“Ne e kundërshtojmë me vendosmëri dhe dënojmë pa mëdyshje aneksimin, për të cilin nuk ka ndikim ligjor”.
Top Channel