Edhe pse e ardhmja e tij është ende në dyshim, sidomos pas afrimit të Erik ten Hag, Ronaldo nuk i ka kursyer lavdërimet për trajnerin e ri të Manchester United. Sulmuesi portugez foli për uljen e ten Hag në stolin e “Djajve” duke i treguar edhe mikpritjen e tij.
“Jemi të gjithë të lumtur dhe shumë të emocionuar. Jo vetëm ne lojtarët, por edhe tifozët” tha fillimisht Ronaldo për këtë afrim. Ndërkohë që më pas ai i riti pritshmëritë tifozëve se sezonin tjetër mund të luftojnë për të fituar edhe trofe nën drejtimin e ten Hag.
“Duhet të besojmë te fakti se vitin tjetër ne mund të fitojmë tituj. E di që ten Hag ka bërë një punë fantastike me Ajax. Ai është një trajner me eksperiencë. Megjithatë, ne duhet t’i japim atij kohë”, u shpreh Ronaldo që nga fjalët e tij duket se nuk po planifikon largimin nga “Old Trafford”. /oversport.tv
Foto: Manchester United, Facebook