PRAGË, 1 nëntor /ATSH-DPA /-Prodhimi ekonomik në Republikën Çeke u tkurr më shumë se sa pritej në tremujorin e tretë, sipas vlerësimeve paraprake të Zyrës së Statistikave.
Prodhimi i Brendshëm Bruto (PBB) shënoi një rënie prej 0,4% në tremujorin e tretë, krahasuar 0, 5% në tremujorin e dytë. Ekonomistët kishin parashikuar një rënie prej 0,1%.
Ekonomia regjistroi një tkurrje për herë të parë që nga tremujori i dytë i vitit 2021.
Rënia tremujore u shkaktua nga dobësimi i kërkesës së brendshme, kryesisht nga ulja e shpenzimeve për konsum, të cilat ranë për të katërtin tremujor radhazi.
Nga ana tjetër, kërkesa e jashtme pati një ndikim pozitiv në tremujorin e tretë.
Në bazë vjetore, PBB-ja përparoi me një ritëm më të ngadaltë prej 1,6% në tremujorin e tretë, pas një rritjeje prej 3,7% në tremujorin e dytë. Ekonomistët kishin parashikuar një rënie prej 1,7%.//a.i/
