Real Madrid pa fat, ndalet në transfertë nga Villareal

by admin
Spread the love

Real Madrid nuk ka shkuar më shumë se barazimi pa gola në transfertë ndaj Villareal. Në Estadio de la Ceramica, madrilenët provuan shumë herë të mposhtnin gardianin e vendasve Rulli, por ky i fundit kishte veshur kostumin e “Superheroit” duke ruajtur të paprekur kuadratin e tij.

Bale, Asensio por edhe Vinicius Junior nuk ia dolën të shfrytëzonin mundësitë e krijuara ndërsa “Galaktikët” nuk kishin në anën e tyre as fatin, teksa në fundin e lojës, Luka Jovic u ndal nga traversa edhe pse pozicioni i serbit ishte i dyshimtë.

Kështu, pas këtij barazimi të “thatë”, Real Madrid ruan kreun e kampionatit në kuotën e 54 pikëve, ndërsa pas krahëve të tyre me vetëm katër pikë diferencë, renditet Sevilla. Sakaq, Villareal mban vendin e pestë me 36 pikë duke ruajtur një vend që të garanton pjesëmarrjen në Kupat e Europës sezonin e ardhshëm, ndërsa objektiv për “nëndetësen e verdhë” mbetet kualifikimi në Champions League.


Top Channel

Lexo lajme interesante

You may also like