Punonjësja kineze vjedh dokumentet e Pfizer, kompania në alarm!

by admin
Spread the love

Pfizer ka ngritur padi kundër një punonjëse të tij me pretendimin se ka vjedhur një “numër të madh” të dokumenteve të besueshme, përfshirë edhe ato lidhur me vaksinën kundër koronavirusit.

Në padinë e depozituar në gjykatën e San Diegos, kompania ka bërë të ditur se bëhet fjalë për punonjësen Chun Xiao Li, e cila ka shkelur marrëveshjen e “besueshmërisë”, duke nxjerrë mbi 12.000 dokumente nga data e të dhënave pa miratim dhe duke i kaluar ato në kompjuterin personal (lap-top).

“Për shkak të numrit të madh të dokumenteve që Li ka marrë në mënyrë të paligjshme, Pfizer duhet të jap leje për një gjë të tillë kur bëhet fjalë për dokumente konfidenciale”, thuhet në aktpadinë e kompanisë amerikane.

Materialet e vjedhura përfshijnë vlerësime të brendshme dhe rekomandime për vaksinën kundër koronavirusit nga Pfizer dhe BioNtech, si dhe për marrëdhëniet me partnerin gjerman për vaksinën, e për lidhjet me antitrupat sa i përket sëmundjes së kancerit.

Nga kompania Pfizer është thënë që Li që ishte asistente e drejtorit për statistikë, në shumë raste ka tentuar të mbulojë gjurmët e asaj çfarë kishte bërë.

Gjithashtu thuhet se e akuzuara ka refuzuar të përgjigjet sesi kishte arritur t’i merrte dokumentet dhe pse e kishte bërë një gjë të tillë – duke mos harruar edhe çështjen që sipas tyre po i shqetëson shumë – ku gjenden ato dokumente tani?

Lajme interesante

You may also like