Protesta të dhunshme në Iran, policia përplaset me studentët në ditën e parë të universitetit

by admin
Spread the love

Policia iraniane u përball me studentët e një nga universiteteve më prestigjioze të vendit ditën e djeshme.

Raportet treguan se një numër i madh studentësh në universitetin Sharif në Teheran mbetën të bllokuar në parkun e makinave të kampusit.

Në rrjete soicale kanë qarkulluar disa video ku shiheshin studentët që i largoheshin policisë së dhunshme.

“Iran International” citon raporte që thonë se forcat e sigurisë sulmuan konviktet e studentëve dhe qëlluan me armë në konviktet e tyre. Raporte të tjera përmendin përdorimin e gazit lotsjellës ndaj protestuesve.

E diela ishte dita e parë e semestrit për shumë studentë që ndiqnin për herë të parë universitetin Sharif.

Turmat ishin mbledhur jashtë portës kryesore të kampusit në orët e vona të mbrëmjes, pasi dëgjuan për përleshjet.

Protestat antiqeveritare shpërthyen në Iran në shtator pas vdekjes së një 22-vjeçares Mahsa Amini, e cila u arrestua nga policia e moralit.

E reja ra në koma disa orë pasi policia e moralit e arrestoi për dyshimin se kishte thyer rregullat e vendosjes së shamisë.

Sipas BBC, thuhet se Amin është goditur në kokë me shkop, gjatë arrestimit, ndërsa e kundërta u deklaruar nga organet kompetente të cilat si shkakun e vdekjes përcaktuan arrest kardiak (sulm në zemër).

Protestat nisën në funeralin e saj dhe janë përhapur në të gjithë vendin për t’u bërë trazirat më të këqija që janë parë në vend prej vitesh.


Top Channel

Lexo lajme interesante

You may also like