Probleme te Lazio, tifozët nuk e duan Acerbin, trajneri Sarri ndërpret seancën stërvitore

by admin
Spread the love

Marrëdhënia mes tifozëve të Lazios dhe Francesco Acerbit është acaruar së tepërmi nga sezoni i fundit.

Ultrasit nuk e pranojnë në skuadër mbrojtësin i cili pas një goli të shënuar në Lazio-Genoa të përfunduar me rezultatin 3-1, u kthye nga tifozët e tij dhe i ftoi ata të heshtnin për kritikat. Këtë, ultrasit nuk ja falin kurrë mbrojtësit dhe prej vitit të kaluar kërkojnë largimin e tij nga ekipi.

Episodi i fundit i tensionit mes palëve është regjistruar në mëngjesin e së martës teksa një grup tifozësh ishin prezentë në stërvitjen e skuadrës para startit të sezonit. Por, sapo në fushë ka zbritur Acerbi nisën protestat ndërsa në një moment të caktuar trajneri Mauricio Sarri e ka pasur të pamundur për të vijuar punën dhe ka ndërprerë seancën stërvitore teksa është afruar të flasë me ultrasit.

“Ne jemi këtu për të punuar”, iu është drejtuar Sarri tifozëve të cilët janë bindur nga trajneri. Megjithatë, në një situatë të tillë, këto ditë mund të jenë edhe të fundit për Acerbin te Lazio i cili ka një propozim nga Milan ndërsa një opsion është edhe Inter.

You may also like