Nuk është një moment i mirë për Hulk Hogan, një nga legjendat më të rëndësishme në historinë e wrestling WWE. E dëshmon Kurt Angle, miku i tij i vjetër, brenda dhe jashtë ringut.
“Hulk i ka të këputura nervat në pjesën e poshtme të trupit”, deklaroi Angle në një podcast, duke treguar se e ka parë Hogan të ecte me ndihmën e një shkopi.
“Nuk ka dhimbje dhe nuk ndien asgjë. Me vjen me të vërtetë keq. Ka vënë zemrën dhe shpirtin e tij në biznes dhe kjo e ka përpirë“.
Heroi olimpik u ndal në situatën që i përket Hogan, që veç të tjerash u shfaq në WWE në 23 janar, në mbrëmjen që festonte 30 vjetorin e Monday Night Raw, spektaklit më jetëgjatë në kompaninë më të famshme të wrestling në botë.
“Hulk nuk i ndjen këmbët dhe e gjitha kjo ka ndodhur pas një operacioni në shpinë që nuk eci mirë“.
Hogan në këtë mënyrë rrezikon të përfundojë në një karrige me rrota. Hulk, legjendë e WWE dhe njeri simbol i viteve 80-90 deri sa kaloi në WCW kompaninë rivale të WWE në atë kohë, mbush 70 vjeç në 11 gusht.
Një karrierë shumë e gjatë dhe natyrisht edhe plot dëmtime për Hogan, që përgjatë jetës së tij i është nënshtruar rreth 25 operacioneve kirurgjikale.
