PRISHTINË – Pistorius garanton Kosovën për mbështetje ushtarake

by admin
Spread the love

PRISHTINË, 5 shkurt /ATSH-DPA/ – Ministri gjerman i Mbrojtjes, Boris Pistorius ka siguruar qeverinë e Kosovës për mbështetjen e vazhdueshme ushtarake të Gjermanisë mes tensioneve me Serbinë, gjatë një vizite disaditore në shtetin ballkanik.

“Manovrat ushtarake po zhvillohen me një ritëm të plotë në mënyrë që ne të jemi gati për dislokum ashtu siç është planifikuar”, tha sot Pistorius gjatë një takimi me presidenten Vjosa Osmani në Prishtinë.

Gjermania ka planifikuar të rrisë numrin e ushtarëve që shërbejnë në misionin paqeruajtës të NATO-s, KFOR.

“Aktualisht, rreth 90 anëtarë të Bundeswehr-it janë dislokuar në rajon. Nga prilli e tutje, Gjermania ka planifikuar të dislokojë 150 ushtarë shtesë në Kosovë”, tha Pistorius.

Pas tensioneve të fundit, Pistorius u bëri thirrje serbëve dhe shqiptarëve etnikë që të përdorin negociatat për të çuar përpara procesin e anëtarësimit në Bashkimin Evropian.

“Rendi i ditës është dialogu dhe shmangia e përshkallëzimit te situates”, tha ai, duke shtuar se kancelari gjerman Olaf Scholz ka theksuar qartë se e ardhmja e Ballkanit Perëndimor qëndron në Bashkimin Evropian.//a.i/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

You may also like