Primaret, Floriana Garo: Koha kur kandidatët paguanin Bashën për të blerë postet ka marrë fund

by admin
Spread the love

Pas miratimit të kandidaturave që do të votohen nesër në primare, për zgjedhjet e pjesshme vendore në 6 bashki dhe reagimit të deputetit Lulzim Basha, Komisioni i Rithemelimit ka bërë një deklaratë për mediat.

Drejtorja e Komunikimit, Floriana Garo shprehet se demokratët do të përfaqësohen në 6 mars, me kandidatët që kanë përzgjedhur me votë dhe jo me kukullat e marra peng nga Edi Rama.

Gjithashtu, Garo shton se ka marrë fund koha kur kandidatët blinin të drejtën e kandidimit, duke paguar te Lulzim Basha.

Deklarata e plotë:

“Komisioni i Përkohshëm i Rithemelimit sot ka respektuar vullnetin dhe iniciativën e figurave të Partisë Demokratike për të kandiduar. Nesër do të jenë demokratët që për herë të parë do kenë mundësi të zgjedhin vetë kandidatët e tyre përmes parimit një anëtarë një votë! Koha kur kandidatët blinin të drejtën e kandidimit duke paguar haraçin tek Lulzim Brava ka marrë fund. Në zgjedhjet e pjesshme të 6 Marsit, demokratet do të përfaqësohen të lirë dhe me dinjitet me kandidatët që kanë përzgjedhur vetë dhe jo me kukullat e marra peng nga Edi Rama! Nesër votojmë kandidatët e fitores dhe opozitës së vërtetë! Vetëm të bashkuar do sjellim shpresë dhe fitore”, shprehet ajo.

Lexo lajme interesante

You may also like