Presidentja e Kosovës, Vjosa Osmani, ka veshur bluzën tradicionale ukrainase në ditën e ‘Vyshyvanka’, si shenjë solidarizimi në fushatën botërore në përkrahje të Ukrainës.
Dita e Vyshyvanka është një festë që synon ruajtjen e traditës popullore ukrainase të krijimit dhe veshjes së rrobave etnike të qëndisura të njohura si ‘vyshyvankas’.
Presidentja u bë pjesë e këtij festimi me ftesë të kryeministres së Lituanisë Ingrida Šimonytė, e cila i kishte dhuruar veshjen Osmanit gjatë vizitës që presidentja realizoi javën e kaluar në Vilnus.
“Qëndrojmë me miqtë tanë ukrainas derisa shënojmë këtë traditë të bukur që na kujton guximin, lirinë, besimin dhe forcën e Ukrainës”, shkroi Osmani në Twitter.
Upon the special invitation of 🇱🇹 PM @IngridaSimonyte, today I joined friends and allies in celebrating #VyshyvankaDay.
We stand with our Ukrainian friends as we mark this beautiful tradition that reminds us of 🇺🇦’s courage, freedom, faith and strength. pic.twitter.com/MM5VSXQvnB
— Vjosa Osmani (@VjosaOsmaniPRKS) May 19, 2022
