Emisari i BE-së për dialogun Kosovë-Serbi, Miroslav Lajçak, e ka falënderuar ShBA-në dhe të dërguarin e tyre për Ballkanin Perëndimor, Gabriel Escobar, për arritjen e marrëveshjes mes Kosovës dhe Serbisë për dokumentet identifikuese.
“E falënderoj emisarin Gabriel Escobar dhe diplomacinë amerikane për angazhimin e tyre të madh në mbështetjen e dialogut të lehtësuar nga BE-ja”, ka shkruar ai në Twitter.
Ai ka rishpërndarë postimin e emisarit amerikan për Ballkanin Perëndimor ku u bë e ditur se ka marrëveshje.
