PRAGË, 14 janar /ATSH-DPA/ – Zgjedhjet dyditore presidenciale në Republikën Çeke përfundojnë sot, në ndërkohë që qytetarët e vendit anëtar të BE-së dhe NATO-s mund të votojnë ende deri në orën 14:00 (13:00 GMT).
Tre favoritë po luftojnë për hyrjen në balotazhin e mundshëm, ish-gjenerali i NATO-s Petr Pavel, miliarderi dhe lideri populist i ish-qeverisë Andrej Babis dhe profesoresha e ekonomisë Danuse Nerudoa.
Në sondazhe, të gjithë ishin pothuajse të barabartë rreth pikës 25%.
Pesë kandidatë të pavarur po konkurrojnë gjithashtu.
Çështje të rëndësishme zgjedhore ishin inflacioni i lartë dhe qëndrimi ndaj luftës në Ukrainë.
Rezultatet priten sot në mbrëmje.
Parashikimet nuk do të publikohen.
Presidenti ka kryesisht detyra përfaqësuese, por konsiderohet një opinionist i rëndësishëm në Republikën Çeke.
Ai ose ajo emëron gjithashtu gjyqtarët kushtetues, mund t’i kthejë ligjet vetëm një herë në parlament dhe është komandant/e i/e përgjithshëm i forcave të armatosura./ a.jor.
