VARSHAVË, 26 mars /ATSH-DPA/ – Polonia ka kritikuar ashpër vendimin e fundit të presidentit rus, Vladimir Putin për të vendosur armët bërthamore në Bjellorusi.
“Ne dënojmë aktin e intensifikimit të kërcënimit për paqen në Evropë dhe në botë”, tha sot një zëdhënës i Ministrisë së Jashtme, në Varshavë.
Bjellorusia është fqinj me Rusinë, si dhe me Poloninë dhe Ukrainën e cila po lufton kundër pushtimit rus për më shumë se një vit.
Putini njoftoi të shtunën në mbrëmje se liderët në Moskë dhe Minsk kishin rënë dakord për transferimin e armëve bërthamore taktike në Bjellorusi, e cila sipas Rusisë nuk do të ishte në kundërshtim me Traktatin Ndërkombëtar për Mospërhapjen e Armëve Bërthamore.//a.i/