Tottenham merr fitoren e katërt radhazi në kampionat, shkatërron 4-0 në “Villa Park” Aston Villan dhe konsolidon pozitat në vendin e 4-t në renditjen e Premier League.
Heung-Min Son ka qenë protagonisti absolut për skuadrën e Contes me tregolëshin e shënuar, ndërsa goli i Kulusevskit plotëson pokerin në këtë fitore të madhe të Tottenham.
Londinezët zhbllokojnë sfidën shumë shpejt dhe vendasit mundohen të reagojnë në pjesën e parë, por nuk arrijnë që të shënojnë.
Tottenham dominon në pjesën e dytë, duke shënuar edhe 3 gola të tjerë, që sjellin një sukses me vlera. Falë humbjes së Arsenalit në ndeshjen respektive, Tottenham konsolidon pozitat në zonën Champions.
Foto: Tottenham Hotspur Twitter