Reperja amerikane Cardi B ka dhënë së fundmi opinionin e saj për konfliktin Rusi-Ukrainë.
29-vjeçarja tha se liderët botërorë nuk duhet të fokusohen te lufta dhe shtoi se nuk është as në anën e “NATOs” e as të Rusisë.
“Në fakt dua të them shumë gjëra por do të shikoj punën time pasi besoj se me një platformë aq të madhe sa e imja nëse nuk them gjërat e duhura, mund të më vrasin”, nis Cardi B videon e shpërndarë në Twitter.
“Nuk jam në anën e NATO,” vazhdon ajo. “Nuk jam as në anën e Rusisë, jam në fakt në anën e qytetarëve sepse në fund të fundit jemi duke kaluar një krizë”.
Cardi B shpjegonte më pas në video pikëpamjet e saj në krizën Rusi-Ukrainë, kur u pyet nga një përdorues.
“Do të doja që liderët botërore të ndalonin duke menduar vetëm për pushtetin dhe të mendonin në fakt për qytetarët e prekur, e gjithë bota është në krizë. Lufta, sanksionet, pushtimet, duhet të ishin tre gjërat më të fundit që ata duhet të mendonin”.
It’s me https://t.co/jZaSrUwMWH pic.twitter.com/4QQ8hKygMw
— Cardi B (@iamcardib) February 22, 2022
Rrjeti amerikan Foxnews shkruan se Shtëpia e Bardhë nisi të quante dje operacionin në Ukrainë “pushtim” dhe premtoi sanksione “të shpejta e të ashpra” ndaj Rusise.
Kjo nuk është hjera e parë që Cardi B flet zëshëm mbi politikën.
Para zgjedhjeve presidencaile në SHBA në 2020 ajo nxiste nejrëzit të votonin për Joe Biden duke shtuar se mërzitej “sa herë që fliste” Donald Trump.