Po raportonte një skenë krimi, gazetari vritet dhe pas tij një 9-vjeçare në Florida, SHBA

by admin
Spread the love

Një reporter televiziv dhe një vajzë nëntë vjeçare janë qëlluar për vdekje pranë Orlando, Florida, afër skenës së një vrasjeje që ndodhi disa orë më parë.

Gazetari dhe nëna e vajzës u qëlluan dhe u plagosën nga i njëjti person, i cili dyshohet edhe për vrasjen e mëparshme.

Dy gazetarët e Spectrum News 13 po raportonin vrasjen e një 20-vjeçareje, të qëlluar për vdekje brenda një makinë, në zonë atë mëngjes kur i dyshuari adoleshent u kthye, thotë policia.

Është e paqartë nëse ata ishin në shënjestër. Pasi sulmoi gazetarët, i dyshuari Keith Moses, 19 vjeç, hyri në një shtëpi aty pranë dhe qëlloi vajzën dhe nënën e saj.

Nëna ishte në spital në gjendje kritike.

Në një konferencë shtypi, sherifi i zonës tha se gazetarët ishin pranë automjetit të tyre, i cili nuk dukej si automjeti zyrtar i një stacioni televiziv, kur ata u sulmuan rreth orës 16:00 me kohën lokale.

 

Dyshohet se gazetari kishte një njohje me 20 vjeçaren e qëlluar në mëngjes por nuk kishte lidhje me vajzën e vogël dhe nënën e saj. Dyshohet po ashtu se 19-vjeçari ngatërroi gazetarët me polici.

Gazetarë të tjerë aty pranë ndihmuan në ofrimin e ndihmës së parë për viktimat, sipas reporterëve lokalë.

Charter Communications, kompania që zotëron stacionin televiziv, lëshoi një deklaratë duke e quajtur sulmin “një tragjedi të tmerrshme për komunitetin e Orlandos”.

Sekretarja e shtypit e Shtëpisë së Bardhë, Karine Jean-Pierre, ka shkruar ngushëllimet në Twitter, duke thënë: “Zemrat tona janë me familjen e gazetarit të vrarë sot dhe anëtarin e ekuipazhit të plagosur në Orange County, Florida, si dhe të gjithë ekipin e Spectrum News”.

Në vitin 2022 u vranë 40 gazetarë, sipas Komitetit për Mbrojtjen e Gazetarëve. Vetëm një nga të vrarët ishte në Shtetet e Bashkuara.


Top Channel

//Google Analytics window.dataLayer = window.dataLayer || [];

function gtag() { dataLayer.push(arguments); } gtag('js', new Date());

gtag('config', 'UA-7855069-1');

//Facebook window.fbAsyncInit = function() { FB.init({ appId: '1715618661991455', xfbml: true, version: 'v2.10' }); FB.AppEvents.logPageView(); };

(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));

You may also like