Është një sezon që pulat nuk po bëjnë vezë sepse është dhe cikli pulave, por dhe ndryshimi i klimës sepse pulat harxhojnë më shumë energji për të mbajtur veten.
Kështu tha pedagogu Zef Gjeta në “Good morning Albanians” duke treguar dhe mënyrën si mund t’i ruajmë vezët për 6 muaj.
Nëpër shtëpi private, Gjeta tregoi se kjo bëhet shumë lehtë. Mund të merrni një kuti dhe të shtroni rreshta vezësh njëra mbi tjetrën duke futur në mes hi zjarri. Mjafton të mos jenë ekspozuar ndaj kushteve ekstreme të motit dhe vezët do jenë të sigurta.
“Grimcat e hirit janë kaq të vogla sa i mbyllin poret, nuk merr fare frymë dhe e kemi të freskët,” – tha pedagogu.
Ndërkohë, studiuesit në Britaninë e Madhe kanë përpiluar një listë me fruta dhe perime që kanë më shumë gjasa të jenë të kontaminuara me pesticide të shumta, me rrushin dhe portokallin e kuq në krye të listës.
Zyrtari i politikave Nick Mole tha se nevojiteshin më shumë veprime për të trajtuar nivelet në rritje të pesticideve në ushqimet tona.
Të gjithë portokallet e kuqe të testuar u zbuluan se kishin mbetje të shumta pesticidesh të pranishme, me më shumë se 90 për qind të rrushit, 70 për qind të bananeve dhe më shumë se 60 për qind të manaferrave.
