Pas barazimit në turin e parë të Kupës së Italisë ndaj Interit, Stefano Pioli është shprehur i kënaqur me paraqitjen e Milanit të tij por jo me rezultatin. “Kemi bërë një ndeshje të mirë dhe më pëlqeu shumë skuadra – shpjegoi trajneri i kuqezinjve -. Mendoj se e merituam të fitonim për paraqitjen që bëmë, por nga pikëpamja e dy ndeshjeve është një rezultat i mirë.
Ne sulmuam gjatë gjithë ndeshjes – shtoi ai – Ishim shumë të rrezikshëm dhe lejuam pak hapësira. Na ka munguar vetëm finalizimi, në kontrollin e fundit apo në pasimin e fundit”.
” Jam i kënaqur me performancën – vazhdoi Pioli – Ne po tregojmë se mund të luajmë për trofeun, kjo është ajo që duam. Ne kemi punuar dy vjet e gjysmë dhe kemi bërë një udhëtim të rëndësishëm dhe tani duam të fitojmë diçka”. ”
“Zgjodha ekipin që ishte më i miri dhe vlerësova gjendjen e lojtarëve në lidhje me qëndrimin taktik që donim të mbanim. Diaz bëri mirë kur hyri, por sonte ne ishim një ekip dhe ne kemi bërë një lojë të mirë në fushë.
Më vjen keq që nuk fituam sepse mendoj se merituam më shumë – përsëriti trajneri kuqezi -. Tani do të luajmë gjithçka në ndeshjen e kthimit”. /oversport.tv
