Do të rikthehet në fundjavë Kategoria e Parë e cila kishte programuar të zhvillonte të gjitha ndeshjet ditën e shtunë dhe të diel. Megjithatë, me ndryshimet në “Abissnet Superiore” në kuadër të miqësores që Kombëtarja shqiptare do të zhvillojë me Katarin, do të ketë ndryshime edhe në Kategorinë e Parë.
4 takime do të luhen ditën e shtunë dhe janë ato midis Lushnja-Luzi, Tërbuni-Besa, Oriku-Korabi dhe Tomori-Besëlidhja në orën 13:00.
Të dielën do të zhvillohen dy takimet e tjera të kësaj jave dhe sfidën mes Dinamos dhe Turbinës, do të mund ta ndiqni live në Oversport dhe Tibo në orën 13:30.
Më pas ditën e hënë në Oversport dhe Tibo do të keni mundësi të ndiqni sfidën e kreut mes Skënderbeut dhe Flamurtarit. Ndeshja do të startojë në orën 16:00.
Rivaliteti në Kategorinë e Parë është shumë i madh, pasi janë të shumta skuadrat me traditë, që militojnë në këtë turne dhe synojnë ngjitjen në elitën e futbollit shqiptar. Pas tetë javësh kampionat, kryeson tabelën e klasifikimit Flamurtari me 17 pikë, që ndiqet nga Dinamo (15 pikë) dhe Korabi (13 pikë). Skënderbeu, Luzi, Besa dhe Tërbuni ndjekin në kuotën e 12 pikëve (kujtojmë që korçarët dhe Apolonia kanë një ndeshje më pak). / Oversport.tv
Kategoria e Parë / Java e 9-të
E shtunë 5 nëntor
Lushnja-Luzi 13:00
Tërbuni-Besa 13:00
Oriku-Korabi 13:00
Tomori-Besëlidhja 13:00
E diel 6 nëntor
Dinamo-Turbina 13:00
Burreli-Apolonia 13:00
E hënë 17 nëntor
Skënderbeu-Flamurtari 16:00