Përfundojnë garat për ekipin e ping-pongut në Lojërat Mesdhetare Oran 2022

by admin
Spread the love

Pas sportit të tenisit, ku ekipi kosovar përfundoi sot garat në Lojërat Mesdhetare Oran 2022, një tjetër sport është përshëndetur nga garat në Algjeri.

Bëhet fjalë për ping-pongun, ku pingpongistët Fatih Karabaxhak dhe Kreshnik Mahmuti kanë përfunduar garimin në edicionin e 19-të të Lojërave Mesdhetare, përcjell KosovaPress.

Të dy pingpongistët kosovarë garuan gjatë tërë ditës pasi ishin të ndarë në grupe.

Karabaxhak ndodhej në Grupin 6, të cilin e përbënin edhe francezi, Bastien Rembert, Federico Giardi i San Marinos dhe Niagol Stojakov i Italisë.

Mahmuti ishte në Grupin 7 me grekun Ioanis Sgoropoulos, Marko Jevtoviq nga Serbia dhe Aboubaker Bourass i Tunizisë.

Të dy, Mahmuti e Karabaxhak, nuk arritën të kualifikohen për në fazën tjetër, pasi pësuan humbje në të tri ndeshjet.

Nga këto përballje, veçohet vetëm sfida e Karabaxhak me garuesin e San Marinos, ndaj të cilit fitoi dy sete kundrejt katër të kundërshtarit.

Lexo lajme interesante

You may also like