“Kemi marrë pyetje me të cilën në thelb qytetarët maqedonas i pyesin, ose do t’i pyesin: A doni të ndalim së shkuari drejt Bashkimit Evropian”, kështu presidenti Stevo Pendarovski e komentoi fillimisht pyetjen e VMRO-DPMNE-së në propozimin për referendum në lidhje me propozimin francez.
Pendarovski tha se nuk beson se VMRO-ja kërkon mbajtjes e referendumit, në këmbim të mbështetjes për ndryshime kushtetuese me të cilat bullgarët futen në Kushtetutë.
“Cila është pyetja e opozitës për referendum? Praktikisht ta ndërpresim rrugën evropiane. Do të thotë nëse ju i jepni mbështetje një referendumi të tillë, klasik anti-evropian, me pyetjen, nuk ka nevojë më tej të ndryshoni Kushtetutën”, tha Pendarovski.
