Është mbyllur java e 5-të e Abissnet Superiore, një kompeticion që transmetohet live dhe ekskluzivisht në kanalet Oversport të platformës Tibo.
Partizani ka fituar në transfertë përballë Kukësit dhe ka rimarrë kreun e renditjes me 12 pikë. Kjo javë ka qenë e mbarë edhe për Tiranën, që ka mposhtur me poker Teutën, duke marrë fitoren e parë sezonale në shtëpi.
Erzeni tregon se nuk është më një surprizë, por një realitet i bukur, sepse mposht edhe Laçin dhe ngjitet në vendin e dytë të renditjes, me asnjë humbje dhe asnjë gol të pësuar në këto 5 javë.
Vllaznia rikthehet tek suksesi, ndërsa Bylisi dhe Egnatia konfirmojnë momentin e mirë dhe ndajnë nga një pikë në Ballsh.
Momente të vështira për Teutën e Shkëmbit dhe Kukësin e Dobit, të vetmet skuadra që nuk kanë gjetur akoma rrugën e fitores në kampionat. / Oversport.tv