Parlamenti Evropian kritikon FIFA-n dhe Kupën e Botës të mbajtur në Katar

by admin
Spread the love

BRUKSEL, 24 nëntor /ATSH-DPA/ – Parlamenti Evropian miratoi një rezolutë që kritikon vdekjen e punëtorëve të huaj gjatë përgatitjeve për Kupën e Botës në Katar.

Ligjvënësit e BE-së “dënojnë vdekjen e mijëra punëtorëve migrantë kryesisht në sektorin e ndërtimit që ndihmuan vendin të përgatitej për turneun, si dhe të gjithë të lënduarve”, thuhet në një deklaratë për shtyp.

Deputetët po i bëjnë thirrje organit qeverisës të futbollit ndërkombëtar FIFA që të ndihmojë në kompensimin e familjeve të punëtorëve migrantë që vdiqën pasi masat e vendosura nga qeveria e Katarit nuk ishin të mjaftueshme.

Rezoluta tha gjithashtu se korrupsioni brenda FIFA-s ishte “i shfrenuar, sistematik dhe i rrënjosur thellë” dhe procesit për dhënien e Katarit për të pritur Kupën e Botës i mungonte transparenca.

Kjo do të thotë se “FIFA ka dëmtuar rëndë imazhin dhe integritetin e futbollit global”, thuhet në deklaratë.

Rezoluta jodetyruese u bëri thirrje vendeve të BE-së me liga të mëdha kombëtare futbolli si Gjermania, Franca, Italia apo Spanja që të lobojnë për të reformuar rrënjësisht FIFA-n.   /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like