Lideri historik i PD, Sali Berisha, i shpallur non-grata nga SHBA, ka zhvilluar takimin e 6 në nismën Foltorja, në Gjirokastër, ku akuzoi qeverinë se po shkakton krizë energjitike, për shkak të keqmenaxhimit.
Pjesë nga deklarata e Sali Berishës
“Pasi u dha statusi i kandidatit, jemi por nuk thërritemi më vend kandidat. Ato që arritëm me mund e merita, po i çbën ky zotëria.
Sot lajmi që jep kreu i meduzës është kriza që do përpijë Shqipërinë. Cila krizë? Spekulant i pashpirt që është. Është rritur çmimi i gazit, por çfarë gazifikimi kemi në Shqipëri, sa energji elektrike prodhojmë nga gazi? Zero.
Nëse kriza e gazit kap një vend që 25% të energjisë e ka nga gazi, si na kap ne që 98% të energjisë e ekmi nga ujërat tona?
Ky bën thirrje që rrisni çmimet se po vjen kriza e gazit, kur gazi konsumohet për gatim tek tuk apo disa makina me gaz. do të induktojë krizën me çdo kusht në familjet shqiptare.
Pas rezervës valutore, rezervën më të çmuar në Shqipëri ka kaskadën e Drinit. Është strategjike. Për specifikat e këtij vitit, ishte plot edhe në gusht dhe gjithnjë ruhet për vjeshtë.
Çfarë ka bërë? Ka zbrazur kaskadën, ka shitur gjatë gushtit energji masivisht,. Deri sot janë prodhuar 7.2 miliard kilovat në Shqipëri. janë konsumuar 6, pjesa tjetër është eksportuar dhe tani kaskada është në vedekje klinike.
Kjo është arsyeja e krizës. Në vend që të blinte me çmim të lirë gjatë verës, sot çmimi është tre herë më i lartë se në gusht.
Kjo është krizë e krijuar vetë, jo e gazit. Ç’pune kemi me rritjen e çmimit të naftës kur nafta në vend është cent për cent bazë me Zvicrën. E di sa janë rrogat në Zvicër? Janë 95 mijë dollarë vjetore, 5200 janë në Shqipëri.
Je ti i përzier me aferat. Je me oligarkët ti. Çdo vend ka entet rregullator. Një sadist që thotë do na përpijë kriza.”, tha Berisha.
