Papa Françesku u kërkon emigrantëve të mos kthehen në “vendet e pasigurta” – Shqip

by admin
Spread the love

Papa Françesku bëri thirrje sot për t’i dhënë fund praktikës së kthimit të emigrantëve, të shpëtuar në det, në Libi dhe vende të tjera të pasigurta, ku ata vuajnë “dhunë çnjerëzore”.

Ai i bëri thirrje gjithashtu komunitetit ndërkombëtar që të gjejë mënyra konkrete për të menaxhuar flukset e migracionit në Mesdhe.

Në fjalimin e tij në sheshin e Shën Pjetrit, Papa Françesku shprehu afërsinë dhe solidaritetin me mijëra emigrantë, refugjatë dhe të tjerë që kanë nevojë për mbrojtje në Libi.

“Shumë nga këta burra, gra dhe fëmijë janë të ekspozuar ndaj dhunës çnjerëzore. Unë edhe një herë i kërkoj bashkësisë ndërkombëtare të mbajë premtimet e saj në kërkim të zgjidhjeve të përbashkëta që janë konkrete dhe të qëndrueshme për të menaxhuar flukset e migrimit nga Libi dhe nga i gjithë Mesdheu,” tha Papa Françesku.

Ai beson se praktika e kthimit të emigrantëve në vendet e pasigurta duhet të ndalet dhe t’i jepet përparësi shpëtimit të jetëve njerëzore në det.

Italia dhe Malta janë kritikuar nga avokatët e të drejtave të njeriut për lënien e emigrantëve në varkat e shpëtimit të mbushura me njerëz përpara se t’u caktohet një port i sigurt.

Zyrtarët nga agjencia e OKB-së për refugjatët dhe organizatat e të drejtave të njeriut kanë dënuar prej kohësh kushtet e qendrave të paraburgimit për emigrantët në Libi, duke deklaruar se atje ndodhin rrahje, përdhunime dhe forma të tjera torture. /tesheshi.com/

Lajme interesante

You may also like