Osmani: Nuk guxojmë të hapim çështje, të cilat janë të mbyllura

by admin
Spread the love




 Aty ku në përdorin janë standardi i klasifikimeve ISO, gjithkund për vendin shfrytëzohen shkurtesat MK ose MKD, deklaroi sot ministri i Punëve të Jashtme Bujar Osmani në përgjigje të pyetjes së gazetarëve për gjoja përdorimin e shkurtesës NMK për vendin në Këshillin e Evropës.

“Si shembull do t’ju tregoj rastin në NATO. Në NATO gjithkund është MKD. Por, gjatë fotografimit gjatë sistemimit, rregulli është që të shfrytëzohet shkronja e parë e shtetit dhe atje qëndron NMK në vendin ku fotografohen ministrat. Pasi ashtu është rregulli. Duhet të ndryshojë orari i ndjekjes. Megjithatë, në dokumentet ku në përdorimin e klasifikimit ISO, gjithmonë është MKD. Ashtu është edhe në Këshillin e Evropës, ashtu është edhe në çdo organizatë”, theksoi Osmani.

Sipas tij, nuk guxojmë të hapim çështje, të cilat janë të mbyllura, sepse kodet e Republikës së Maqedonisë së Veriut janë MK dhe MKD.

“Vendet joformale të sistemimit të karrigeve, nëse do të jetë sipas shkronjës së parë dhe nëse do të uleni afër Norvegjisë ose Malit të Zi, është çështje e cila është joformale dhe nuk është e rregulluar me asnjë rregullore”, shtoi Osmani.

Lidhur me pohimin se në tabelën e hyrjes në Këshillin e Evropës është theksuar shkurtesa NMK, Osmani theksoi se do të kontrollohet informacioni i tillë.

“Shkurtesa zyrtare është MKD dhe vetëm e tillë mund të jetë dhe kurrfarë tjetër”, potencon Osmani.


Lexo lajme interesante

You may also like