Deputeti i Partisë Demokratike, Oerd Bylykbashi ka folur për zhvillimet e fundit politike. Ai deklaroi se pas shkrimit për një pakt të mundshëm për zgjatjen e mandatit të vetingut, ka marrë shumë reagime brenda PD.
Bylykbashi tha se kryeministri Edi Rama po synon që t’i ofrojë opozitës reformën territoriale me kushtin që të votojë zgjatjen e procesit të vetingut.
“Oferta që Rama po bën, unë e quajta ofertë në fakt ajo është përpjekje e Ramës për të arritur një objektiv. Të marrë vetingun me kuptimin që të zgjasë mandatin e këtyre që janë aktualisht në detyrë që ne i kemi akuzuar. Ti zgjasi PD me duart asaj mandatin është fundi”, tha deputeti i PD për Euro News Albania.
