I ftuar mbrëmjen e djeshme në emisionin “Arnautistan”, Enno Bozdo ka komentuar protestën e 8 janarit para selisë së PD-së.
“Ajo që shoh alarmante nuk është fati i Berishës, por pyetja dhe çështja në dekadën që vjen: A do ketë një opozitë të aftë që ti bëjë ballë këtij mekanizmi? A do dalë dikush mjaftueshmërisht lider për të thënë të vërtetat në këtë vend?! Këtu është shkatërruar loja apo e vërteta e pushtetit me opozitën, këtu pushteti ka korruptuar, ka zgjatur dorën dhe kontrollon opozitën.”
Bozdo shtoi se zyrtarisht Lulzim Basha është kryetari i PD, për sa kohë që është aty, atij do t’i drejtohet si kryetar i PD.
“Edhe nuk kam qenë asnjëherë partizan i tezës që Rama ka korruptuar ambasadorët, ky është një shpjegim i atyre që s’duan të kuptojnë më shumë se kaq! Mendoj se duhet të nisemi nga axhenda se çfarë iu intereson atyre. Axhenda jonë është politike, e brendshme, e tyre është tjetër. Pyetja është, a ka më vlerë Shqipëria për diplomacinë?”, u shpreh ai.
Lidhur me zgjedhjet e 6 marsit, Bozdo tha se nuk janë testi perfekt, por se mund të ndajnë diçka.
Për Bozdon, Partia Demokratike e së nesërmes duhet të jetë një parti që i përfaqëson të gjithë. Madje ai shkon më tej se nuk ka për të ikur as njëri dhe as tjetri, dhe se “Duhet të iki njëri që të iki tjetri”.